चट्याङ लागेर भोजपुरमा दश वर्षिया बालिकाको मृत्यु
![](https://www.sauryapatra.com/wp-content/uploads/2023/09/maruti-cement.gif)
![चट्याङ लागेर भोजपुरमा दश वर्षिया बालिकाको मृत्यु](https://www.sauryapatra.com/wp-content/uploads/2020/06/2020-06-15_chatang-932x500.jpg)
![](https://www.sauryapatra.com/wp-content/uploads/2024/07/tata-tiago.jpg)
भोजपुर
भोजपुरको षडानन्द नगरपालिका–३ मा चट्याङ लागेर एक बालिकाको मृत्यु भएको छ । जिल्लाको टेम्केमैयुङ गाँउपालिका–१ सुम्लीखाका रामजी राउतकी १० वर्षीया छोरी कृतिकाको मृत्यु भएको इलाका प्रहरी कार्यालय दिङ्लाले जनाएको छ । मावली घर आएकी बालिकालाई आइतबार साँझ भीषण वर्षासँगै परेको चट्याङ लागेको थियो ।
चट्याङ लागेर गम्भीर घाइते भएकी बालिकाको उपचारका लागि स्थानीय स्वास्थ्यचौकीमा लाने क्रममा मृत्यु भएको इलाका प्रहरी कार्यालय दिङ्लाका प्रहरी निरीक्षक भाष्कर खतिवडाले जानकारी दिए ।