नवलपरासीमा धारिलो हतियार प्रयोग गरी पुजारीको हत्या
![](https://www.sauryapatra.com/wp-content/uploads/2023/09/maruti-cement.gif)
![नवलपरासीमा धारिलो हतियार प्रयोग गरी पुजारीको हत्या](https://www.sauryapatra.com/wp-content/uploads/2020/10/2020-10-26_murder-1-750x500.jpg)
![](https://www.sauryapatra.com/wp-content/uploads/2024/07/tata-tiago.jpg)
नवलपरासी ।
नवलपरासी (बर्दघाट सुस्ता पश्चिम) मा धारिलो हतियार प्रयोग गरी हत्या गरिएका अवस्थामा एक पुरुषको शव फेला परेको छ ।
सुस्ता गाउँपालिका–४ नर्सहीस्थित पच्छिमडारी बस्ने ७५ वर्षीय महगु केवटको शव आज फेला परेको हो ।
केवट स्थानीय मन्दिरका पुजारी थिए । उनको आफ्नै कुटी नजीकै धारिलो हतियार प्रयोग गरी हत्या गरिएको र हत्याराको खोजी भइरहेको प्रहरीले जनाएको छ ।
घटनाका विषयमा थप अनुसन्धान शुरु गरिएको जिल्ला प्रहरी कार्यालय परासीका सूचना अधिकारी प्रहरी नायब उपरीक्षक राजु लामाले जानकारी दिए ।
रासस