नायक अनमोल केसी अभिनित चलचित्र ‘क्याप्टेन’ युटुबमा रिलिज (भिडियो) सौर्य पत्र १९ मंसिर २०७७, शुक्रबार १६:३४ नायक अनमोल केसी अभिनित चलचित्र ‘क्याप्टेन’ युट्युवमा रिलिज भएको छ । गत बर्ष रिलिज भएको चलचित्रमा अनमोल पहिलो पटक फुटबल खेलाडीको भूमिकामा देखिएका छन् । गाउँदेखि राष्ट्रिय स्तरको खेलाडी बन्न एउटा युवाले गरेको संघर्षको कथा 'क्याप्टेन' मा रहेको छ । दीवाकर भट्टराई निर्देशित चलचित्र निर्माण भुवन केसीले गरेका हुन् । यस चलचित्रमा नायक अनमोलले दुई नव-अभिनेत्रीसँग स्क्रिन साझेदारी गरेका छन् । उनको अपोजिटमा उपासना सिंह ठकुरी र प्रियंका एमभी छन् । चलचित्रको कथा सामिप्यराज तिमल्सिनाले लेखेका हुन् । यस चलचित्रको एक गीतमा अभिनेत्री निरुता सिंहको अभिनय रहेको छ ।
