काठमाण्डौं ।
नेपाल प्रहरीले ९ जना वरिष्ठ प्रहरी उपरिक्षक (एसएसपी)लाई डिआइजीमा बढुवाकाे लागि सिफारिस गरिएको छ । सोमवार बसेको बढुवा समितिको निर्णयले विभिन्न कार्यालयमा कार्यरत ९ जना एसएसपीलाई बढुवा गरिएको नेपाल प्रहरीले जनाएको छ ।
बढुवा हुनेमा राष्ट्रिय सुरक्षा परिषदको कार्यालय सिंहदरबारमा कार्यरत गणेशबहादुर ऐर, प्रहरी प्रधान कार्यालय नक्सालको आर्थिक शाखामा कार्यरत पुरुषोत्तम कंडेल, आतंकवाद नियन्त्रण शाखामा कार्यरत राजकुमार लालकर्ण, मानव बेचविखन ब्यूरोमा कार्यरत डा. देवबहादुर बोहोरा र यूएन महाशाखा नक्सालमा कार्यरत दिवेश लोहनी रहेका छन् ।
यस्तै, प्रदेश १ प्रहरी कार्यालय मोरङमा कार्यरत रामकृपाल साह, प्रहरी निरीक्षणालय नक्सालमा कार्यरत उमेश रञ्जितकार, अपराध अनुसन्धान विभाग वैदेशिक महाशाखामा कार्यरत प्रकाश अधिकारी र अपराध अनुसन्धान विद्यालय महाराजगञ्जमा कार्यरत मुकुन्दराज आचार्यलाई डीआइजीमा बढुवा गरिएको प्रहरी प्रधान कार्यालयले जनाएको छ ।
