सुनसरीमा मोटरसाइकल र ट्रक एकआपसमा ठोक्किदा एकको मृत्यु
![](https://www.sauryapatra.com/wp-content/uploads/2023/09/maruti-cement.gif)
![सुनसरीमा मोटरसाइकल र ट्रक एकआपसमा ठोक्किदा एकको मृत्यु](https://www.sauryapatra.com/wp-content/uploads/2020/10/Screenshot_2020-10-17-16-03-08-60.jpg)
![](https://www.sauryapatra.com/wp-content/uploads/2024/07/tata-tiago.jpg)
सुनसरी ।
सुनसरीको इटहरी उपमहानगरपालिका–१ आँपगाछीमा शनिबार साँझ सवारी दुर्घटनामा एक जनाको मृत्यु भएको छ । मृत्यु हुनेमा धरान–१० का ३० वर्षीय विक्रम चेमजोङ रहेको जिल्ला प्रहरी कार्यालय सुनसरीले जनाएको छ ।
इटहरीबाट धरानतर्फ जाँदै गरेको को ३२ प ६७१६ नम्वरको मोटरसाइकल र धरानबाट इटहरीतर्फ आउँदै गरेको को१ख ५५२७ नंको ट्रक एकापसमा ठोक्किँदा मोटरसाइकलमा सवार चेमजोङको मृत्यु भएको सुनसरीका प्रहरी नायब उपरीक्षक नरेन्द्रकुमार कार्कीले बताए ।
मोटरसाइकलमै सवार धरान–१० का साइल तुलाधर घाइते भएका छन् । बाह्रखरी