काठमाडौं । पदबाट हट्न लागेका गृहमन्त्री बालकृष्ण खाणले विभिन्न जिल्लाका सिडिओको सरुवा गरेका छन् । बिहिबार रसुवा लगायत जिल्लाका सिडिओको सरुवा गरिएको हो । रसुवामा प्रकाशचन्द्र अधिकारी तथा म्याग्दीमा तुलसीराम पौडेललाई खटाइएको छ । मनाङमा सुप्रभा खनाललाई सिडिओ बनाइएको छ । मनाङका प्रजिअ रवीन्द्र प्रसाद आचार्यलाई काठमाडौँको सहायक प्रमुख जिल्ला अधिकारीमा सरुवा गरिएको छ । मन्त्रालयका उपसचिव बसन्त भट्टराईलाई सोलुखुम्बुको सिडिओ बनाइएको छ । सोलुखुम्बुका प्रजिअ अनिल खनाललाई इलाका उर्लाबारी

काठमाडौं । प्रधानमन्त्री शेरबहादुर देउवाले नयाँ सरकार गठनमा अब बिलम्ब नहुने बताएका छन् । बिहीबार बालुवाटारमा नेपाल समाजवादी पार्टीका अध्यक्षद्वय बाबुराम भट्टराई र महेन्द्रराय यादवसँगको भेटवार्तामा प्रधानमन्त्री देउवाले यस्तो बताएका हुन् ।   प्रधानमन्त्री देउवाले पाँच दलीय गठबन्धनमा रहेका सबै दलको सम्मान हुनेगरी सरकार निर्माण हुने समेत बताए । उनले भने, ‘गठबन्धनभित्रका सबै दलको सम्मान हुनेगरी सरकार बन्छ । नयाँ सरकार गठनमा अब ढिलाइ हुँदैन ।’ सोक्रममा भट्टराई र यादवले

काठमाडौं । नेकपा माओवादी केन्द्रका अध्यक्ष पुष्पकमल दाहाल ‘प्रचण्ड’ले छिट्टै गठबन्धनको सरकार बन्ने बताएका छन् । बिहीबार शपथ ग्रहणपछि पत्रकारहरुसँग कुरा गर्दै अध्यक्ष प्रचण्डले सहजैरुपमा गठबन्धनको सरकार गठन हुने बताएका हुन् । उनले भने, ‘सहजैरुपमा निर्वाचन सम्पन्न भयो, शपथ ग्रहण पनि सम्पन्न भयो । अब सरकार पनि सहजै गठन हुन्छ र गठबन्धनकै सरकार बन्छ ।’ साथै, अध्यक्ष प्रचण्डले पद बाँडफाँट र सरकार गठनका लागि छिट्टै गठबन्धनमा छलफल हुने र सहमति

काठमाडौं । प्रतिनिधिसभाका नवनिर्वाचित सदस्यहरुले पद तथा गोपनीयताको शपथग्रहण गरेका छन् । नेपालको संविधानको धारा ८८ बमोजिम सङ्घीय संसद्को प्रत्येक सदनका सदस्यले सदन वा त्यसको कुनै समितिको बैठकमा पहिलोपटक भाग लिनुअघि सङ्घीय कानुनबमोजिम शपथ लिनुपर्ने व्यवस्था छ । सभामुख चयन भइनसकेकाले प्रतिनिधिसभाका जेष्ठ सदस्य पशुपतिशम्शेर जबराबाट आज पद तथा गोपनीयताको शपथ लिएका हुन् । यसअघि जेष्ठ सदस्य जवराले राष्ट्रपति विद्यादेवी भण्डारीबाट शपथ लिएका थिए । ज्येष्ठ सदस्यलाई राष्ट्रपतिले शपथग्रहण गराएपछि

काठमाडौं । नेकपा माओवादी केन्द्रका नेता एवं अर्थमन्त्री जनार्दन शर्माले पार्टी अध्यक्ष पुष्पकमल दाहाल ‘प्रचण्ड’कै नेतृत्वमा नयाँ सरकार बन्नुपर्ने आफुनो सुझाव रहेको बताएका छन् । बिहीबार शपथ ग्रहणका संसद भवन नयाँ बानेश्वरमा पत्रकारहरुसँग कुराकानी गर्दै प्रचण्डकै नेतृत्वमा सरकार बन्न्पर्छ भन्ने आफ्नो धारणा रहेको बताएका हुन् । ‘माधव नेपाल अस्पतालबाट डिस्चार्ज भएपछि बस्ने गठबन्धनको बैठकले को प्रधानमन्त्री वा राष्ट्रपति बन्ने निर्णय गर्छ’ माओवादी केन्द्रका सांसदसमेत रहेका शर्माले भने, ‘अध्यक्ष प्रचण्डको पहिलो

काठमाडौं । नेपाली कांग्रेसको संसदीय दलको नेताका लागि भएको मतदान सम्पन्न भएको छ । सिंहदरबारस्थित कांग्रेस संसदीय दलको कार्यालयमा बिहान ८ बजेबाट सुरू हुने भनिएको मतदान केहीबेर ढिला सुरू भएको थियो। झन्डै २ घन्टापछि मतदान सकिएको हो। अब केहीबेरमा मतगणना सुरू हुनेछ। कांग्रेस संसदीय दलको नेता छान्न ८९ जना सांसदले मतदान गरेका छन्। ८९ सांसदमध्ये ८८ जनाले सिंहदरबारस्थित मतदान केन्द्रमै मत खसालेका थिए। भोजपुरकी सांसद माया राईलाई मतदान गराउन भने

काठमाडौं । नेपाली कांग्रेस संसदीय दलको नेता चयनका लागि मतदान भइरहेको छ । सिंहदरबारस्थित कांग्रेस संसदीय दलको कार्यालय परिसरमा केहिबेरअघिबाट सुरु भएको मतदान बिहान १० बजे सकिनेछ । प्रधानमन्त्रीसमेत रहेका सभापति शेरबहादुर देउवा र महामन्त्री गगनकुमार थापाले पहिलो मतदान गरेका छन् । मतदान सकिएपछि आजै मतगणना र परिणाम घोषणा हुने कांग्रेसको ‘संसदीय दलको नेता तथा कार्यसमिति निर्वाचन समिति’ले जनाएको छ । यस निर्वाचनका मतदाता पार्टीका प्रतिनिधिसभा सदस्य हुन् । दलको

काठमाडौं । प्रतिनिधिसभाका ज्येष्ठ सदस्य ८१ वर्षीय पशुपति शमशेर जबराले आज राष्ट्रपति विद्यादेवी भण्डारीबाट शपथ लिने भएका छन् । राष्ट्रपति कार्यालयले जबरालाई आज दिउँसो १ बजे शपथ ग्रहण गराउने कार्यक्रम तय गरेको छ । संसद् सचिवालयले प्रतिनिधि सभाका नवनिर्वाचित सांसदको शपथ ग्रहण गर्न ज्येष्ठ सदस्य छनोट गरेको थियो । संघीय संसद सचिवालयका अनुसार राष्ट्रिय प्रजातन्त्र पार्टी (राप्रपा) बाट समानुपातिक सांसद बनेका राणा ८१ वर्ष १० दिनको रहेको ठहर भएको हो

काठमाडौं । सङ्घीय संसद्को सबैभन्दा ठूलो दल नेपाली कांग्रेसको संसदीय दलको नेता चयनका लागि आज मतदान हुने भएको छ । संसदीय दलको नेतामा प्रधानमन्त्री एवं पार्टी सभापति शेरबहादुर देउवा र पार्टीका महामन्त्री गगनकुमार थापाले उम्मेदवारी दिएका छन् । बिहान ८ बजेदेखि १० बजेसम्म सिंहदरबारस्थित कांग्रेस संसदीय दलको कार्यालय परिसरमा मतदानको व्यवस्था गरिएको छ । कांग्रेसको ‘संसदीय दलको नेता तथा कार्यसमिति निर्वाचन समिति’ले मतदान समाप्त भएपश्चात आजै मतगणना र निर्वाचन परिणामको

काठमाडौं । नेपाली कांग्रेस संसदीय दलको नेता चुन्नका लागि आज उम्मेदवारी दर्ता हुँदैछ । आज बिहान ८ देखि १० बजेसम्म उम्मेदवारको लागि दरखास्त दिने समय तोकिएको कांग्रेसले जनाएको छ । साथै, दिउँसो ३ बजे उम्मेदवारको अन्तिम नामावली प्रकाशन गरिने संयोजक भीष्मराज खाङ्देम्बेले जानकारी दिए । उम्मेदवारी दर्ता शुल्क ५१ हजार तोकेको छ । संसदीय दलको नेता चयनको लागि बुधबार बिहान ८ देखि १० बजेसम्म मतदान हुँदै छ । गत ४