गाई फार्ममा आगलागी हुंदा दुई बाच्छासहित चार गाई जलेर मरे
![](https://www.sauryapatra.com/wp-content/uploads/2023/09/maruti-cement.gif)
![गाई फार्ममा आगलागी हुंदा दुई बाच्छासहित चार गाई जलेर मरे](https://www.sauryapatra.com/wp-content/uploads/2020/06/15213df69b82829fef9b80c160006cd41497703738.jpg)
![](https://www.sauryapatra.com/wp-content/uploads/2024/07/tata-tiago.jpg)
भक्तपुर
सूर्यविनायक नगरपालिका–४ दधिकोटस्थित ४६ वर्षीय मनसिंह विष्टले सञ्चालन गरेको गाईफार्ममा गएराति आगलागी हुँदा चार गाई, दुई बाच्छासहित कुखुरा जलेर मरेका छन् । फार्ममा रहेका छ गाई, तीन बाच्छाबाच्छी, ४० स्थानीय जातका कुखुरा रहेकामा दुई गाई, दुई बाच्छाबाच्छीलाई जीवितै उद्धार गरेको महानगरीय प्रहरी परिसर भक्तपुरका प्रहरी उपरीक्षक दीपक गिरीले जानकारी दिए ।
आगलागीपछि महानगरीय प्रहरी प्रभाग दधिकोटका प्रनानि नवराज खरेल समेतको प्रहरी टोली, भक्तपुरको दमकल र स्थानीय बासिन्दाको सहयोगमा बुधबार बिहान ३ बजे आगो नियन्त्रणमा आएको थियो । प्रहरीका अनुसार आगलागीबाट रु आठ लाख ७० हजार बराबरको क्षति भएको छ ।