काठमाडौं । भारत र चीनबीचकाे विवादित सीमा लद्दाखमा पक्राउ परेका एक चिनियाँ सैनिकलाई भारतले रिहा गरिदिएको छ ।गएको शुक्रबार वास्तविक नियन्त्रण रेखा (एलओसी) मा प्रवेश गरेका चिनियाँ जनमुक्ति सेनाका एक जवानलाई भारतीय सैनिकले पक्राउ गरेका थिए । उनलाई साेमबार सकुशल रिहा गरिदिएको भारतीय सैनिकलाई उद्धृत गर्दै नवभारत टाइम्सले जनाएको छ । सीमा क्षेत्रमा शान्ति कायम गर्न भारत प्रतिबद्ध रहेकाले पक्राउ परेका चिनियाँ सैनिकलाई रिहा गरिएको भारतले जनाएको छ ।
वासिंटन । अमेरिकी राष्ट्रपति डोनल्ड ट्रम्पविरुद्ध महाभियोग लगाउने प्रस्तावमाथि संसद्को तल्लो सदन हाउस अफ रेप्रिजेन्टेटिभ्समा छिटोमा मङ्गलबारसम्म मतदान गर्ने याेजना डेमोक्र्याटिक पार्टीका नेताहरुले गरेका छन्। एक नेताका अनुसार याे अब तीव्र गतिमा अघि बढेकाे छ। तल्लो सदनका डेमोक्र्याटहरूले राष्ट्रपतिविरुद्ध ‘दङ्गालाई प्रोत्साहन गरेको’ आरोपमा महाअभियाेग लगाउने योजना बनाएका हुन्। संसद् रहेको क्यापिटल भवन हिंसात्मक ढङ्गले नियन्त्रणमा लिइएको घटनामा ट्रम्पको भूमिकालाई लिएर त्यस्तो अभियोग लगाउने डेमोक्र्याटहरूको तयारी रहेको बताइएको छ।
काठमाडौं । नेपाल राष्ट्र बैंकले नेपालको नयाँ नक्सा अंकित २ रुपैयाँको सिक्का छाप्न बोलपत्र आह्वान गरेको छ। बैंकले १० लाख थान २ रुपैयाँको सिक्का छाप्नका लागि बोलपत्र आह्वान गरेको हो। बैंकले डिजाइनिङ, मिन्टिङ, सप्लाई र डेलिभरीसमेत गर्नु पर्ने गरी प्रस्ताव माग गरेको हो। योग्य आवेदकले माघ २७ गतेसम्ममा आवेदन दिन सक्ने जानकारी राष्ट्र बैंकले गराएको छ। राष्ट्र बैंकले अधिकतम ९० लाख रुपैयाँको सीमा नकट्ने गरी बोलपत्र आह्वान गरेको हो।
वर्दिया । नेपाल भूमिहीन सुकुम्बासी संगठन बर्दिया जिल्ला कमिटीले बारबर्दिया न. पा. – ६ जयनगरमा आइतबार एक कार्यक्रमको आयोजनागरी उद्योग वाणिज्य तथा आपूर्ति मन्त्री विमला विकलाइ वधाई तथा सम्मान गरेका छन । सम्मान कार्यक्रममा मन्त्री विकले “एक बर्स भित्र सबै सुकुम्बासिहरु आफ्नै जग्गाको मालिक हुनेमा ढुक्क रहन विश्वस्त पार्नुभयो ।” कतिपयले सुकुम्बासीलाई जग्गा बाडेर सकिन्छ भन्दै बोलिरहेको वताउदै सरकार रहे पनी नरहेपनी सबै सुकुम्बासीहरुले जग्गा पाउनुहुनेछ सबै जग्गा धनी हुनुहुनेछ
पाँचथर । जिल्लाको कुम्मायक गाउँपालिकामा आइतबार भएको आगलागीबाट दुई घर जलेर नष्ट हुँदा रु ७० लाखको क्षति भएको छ । कुम्मायक–१ ओखलढुङ्गा बस्ने तेजबहादुर थापाको गोठबाट अचानक आगलागी हुँदा सो मूल्य बराबरको क्षति भएको जिल्ला प्रहरी कार्यालय पाँचथरले जनाएको छ । आगलागीबाट थापाको ढुङ्गा माटोले बनेको फुसको छानो भएको तीनतले घर, ढुङ्गा माटोले बनेको फुसको छानो भएको दुईतले भान्छाघर, चौपाया राख्ने ढुङ्गा माटोले बनेको फुसको छानो भएको एकतले ग्वाली,
सरकारले प्रतिनिधिसभा विघटन गरेर मध्यावधि निर्वाचन घोषणा गरेपछि प्रहरीको समायोजन प्रक्रिया अन्योलमा परेको छ । गृह मन्त्रालयले समायोजन प्रक्रिया तत्काल अघि नबढाउने भएको छ । चुनावको समयमा समायोजनको काम हुँदा शान्तिसुरक्षा नै अस्तव्यस्त हुन सक्ने भएकाले गृह मन्त्रालय पर्ख र हेरको रणनीतिमा छ । ‘प्रतिनिधिसभा विघटनविरुद्धको मुद्दामा अदालतले दिने आदेशले नै अब प्रहरी समायोजनको पनि तय गर्नेछ,’ गृहका एक अधिकारीले भने । गत मंसिर पहिलो साता सरकारले प्रहरीको संगठन तथा व्यवस्थापन सर्वेक्षण प्रतिवेदन स्वीकृत गर्दै
काठमाडाैं । प्रधानमन्त्री केपी शर्मा ओलीले संसद विघटनको निर्णय पोलिटिकल डिसजन र आवश्यकताको सिद्धान्त भएको बताएका छन्। राष्ट्रिय सभाको आइतबारको हिउँदे अधिवेशनमा कार्यकारी अधिकार मन्त्रिपरिषदमा रहने र यसकै आधारमा संसद् विघटन भएको उनले स्पष्ट पारेका छन्। ‘मन्त्रिपरिषदमा केही साथीहरुले यसबारे(संसद् विघटन) कुरा उठाएका थिए। मैले साथीहरुलाई भनेपछि उहाँहरुले बुझ्नुभयो। मन्त्रिपरिषद्को सर्वसम्मत सिफारिसमा राष्ट्रपतिले गर्नुभएको हो। राष्ट्रपतिलाई धेरै अधिकार दिइएको छैन। केही मात्र दिएका छौं।’ उनले राष्ट्रपतिलाई यस मुद्दामा नमुछ्न
काठमाडौं । इन्डोनेसियाको जर्काता विमानस्थलबाट शनिबार उड्नेवित्तिकै बेपता भएको एयर बोइङ–७३७ दुर्घटना भएको सम्भावित स्थान पत्ता लागेको बताइएको छ । श्रीविजया एयरको जेट विमान राजधानी जकार्ताबाट उडान भरेको केही समयमा नै समुद्रमा दुर्घटनाग्रस्त बनेको थियो । चालक दलसहित ६२ जना सवार विमान पश्चिमी कालिमान्टान प्रान्तस्थित पोन्टियानाकका लागि उडान भरेको विमान चार मिनेटपछि नै सम्पर्कविहीन भएको थियो । अधिकारीकारीहरुका अनुसार दुर्घटना भएको सम्भावित क्षेत्रमा अहिले १० वटा जहाज र नेभीका गोताखोरहरु
काठमाडौं । नेकपा प्रचण्ड-माधव समूहले सचिवालय बैठक बोलाएको छ । आज दिउँसो ३ बजे पेरिसडाँडामा बैठक बोलाइएको हो । एक नेताका अनुसार बैठककमा प्रधानमन्त्री केपी शर्मा ओलीको कदमविरुद्ध छलफल हुने भएको छ । प्रधानमन्त्री ओलीको सिफारिसमा गत ५ पुसमा प्रतिनिधिसभा विघटन भएपछि नेकपा विभाजित भएको हो । ओली गुटबाट विभाजित भएको नेकपा प्रचण्ड–माधव समूहले केही दिनयता बैठक पेरिसडाँडामा गर्दै आएको छ ।
लण्डन । बेलायतकी महारानी एलिजावेथ द्वितिया र उनका पति राजकुमार फिलिपले कोभिड खोपको पहिलो डोज लिएका छन्। उनीहरु बस्दै आएको विन्डसोर क्यासलमै खोप लिएको बकिङघम दरबारले जनाएको छ। बेलायतमा कोभिडविरुद्धको खोप गत महिनादेखि नै वितरण सुरु गरिए पनि ९४ वर्षीया महारानी र ९९ वर्षीय राजकुमार फिलिपले आफ्नो पालो पर्खिएरै खोप लगाएका हुन्। खोपका लागि बेलायत सरकारले निर्धारण गरेको प्राथमिकताअनुसार ८० वर्षमाथिको उमेर समूहको पालोमा उनीहरुले खोप लिएका हुन्।
