काठमाडौं : चौरजहारी नगरपालिका सोती गाउँमा ३ वर्ष अघि भएको हत्या प्रकरणमा २३ जनालाई जन्मकैद हुनेभएको छ। रुकुम पश्चिम जिल्ला अदालतले नवराज बिकसहित ६ जनाको हत्यामा संलग्नलाई मंगलबार जन्मकैदको फैसला सुनाएको हो।
हाल पुर्पक्षमा थुनामा रहेका २३ जनालाई न्यायाधीश खड्गबहादुर केसीको इजलासले जन्मकैदको फैसला सुनाएको हो। करिब साढे ३ वर्ष अघि प्रेमिका भेट्न गएका नवराजसहित ६ जनाको सोतीमा हत्या गरिएको थियो।
घटनामा संलग्न भएको भन्दै जिल्ला सरकारी वकिलको कार्यालयले २ नाबालकसहित ३४ जनाविरुद्ध मुद्दा दायर गरेको थियो । तीमध्ये केही व्यक्ति फरार छन्। नवराज विककी प्रेमिकाकी बाबु र आमालाई जातीय छुवाछुतको अभियोगमा २/२ वर्ष कैद र ५० हजार रुपैयाँ जरिवानाको फैसला भएको छ ।